30X 最後熱狗

有成60幾年歷史、俗稱「熱狗巴」嘅九巴舊式非空調巴士，今個月內將全數退役，為紀念熱狗巴，唔少市民同巴士迷呢排都專程去坐吓熱狗巴緬懷一下，但部分人懷緬變搞事，唔單止瘋狂追蹤熱狗巴，有啲坐唔到熱狗巴嘅人，更辱罵站長同拍打車門泄憤，事件被人拍片上咗YouTube，唔少市民都不齒呢種行為。

▲圖：30X 最後熱狗

最後一班熱狗巴，吸引大批市民乘坐

家九巴剩番唔夠10條路線有熱狗巴行駛，但近期發生多宗巴士迷為乘搭每條路線最後一班嘅熱狗巴，同乘客及司機爭執事件。噚日有人喺YouTube上載兩條片，名為《最後熱狗，蕪湖街巴迷市民爭執全紀錄》，指來往荃威花園至黃埔花園嘅30X，前晚7點喺紅磡開出最後一班熱狗巴時，吸引大批市民乘坐，總站開出時已經滿晒人，部分上唔到車嘅巴士迷有啲辱罵站長，有啲就衝去其他車站打尖。

▲圖：30X 最後熱狗

條片上載後至噚晚截稿時已經有約5000人瀏覽，唔少人批評呢班人侮辱咗「巴士迷」呢3隻字，直斥佢哋無腦。九巴發言人回應話，會提醒乘客切勿做出妨礙車長駕駛或干擾巴士操作嘅行為，以免影響其他乘客同觸犯法例。

原文: 為坐「熱狗巴」罵車長 網民狂轟

keyword: 30X 最後熱狗

▼30X 最後熱狗 相關影片:

Posted in: 生活綜合